Vi varmar opp til stafett 

Løypene er merka, og sola kikkar så vidt fram bak eit lett skydekke. Det ser ut til å bli ein perfekt stafettdag i Førde. Om kun få timar går startsskotet, og Beate Kårstad Støfring vil varme oss opp til løp, og sørge for at kroppen gjer seg klar til å prestere. 

Første økt med oppvarming set i gong kl 17.15 til 17.30. Deretter blir det opning av stafetten ved Adm. dir. Arve Varden, samt barne- og singelløp, før oppvarminga til hovudstafetten startar kl 18.15.

Kven er Beate? Ho er ei aktiv jente som er utdanna som personleg trenar, og har eit brennande engasjement innan treningsbransjen. Dama har verdensrekord i kettlebell, og lang fartstid som instruktør. I tillegg jobbar ho i Helse Førde som løn- og personalkonsulent. Dette blir ei solid opplading. 

Vi ynskjer alle lykke til på stafetten!